Կապ

1.Ծրագրի մեկնարկում`
  • Ծրագիրը կարող եք մեկնարկել պարզապես մոդեմը համակարգչի USB մուտքին միացնելով: Համակարգի կողմից մոդեմը ճանաչելուն պես` ծրագիրն ավտոմատ կերպով կբացվի:
  • Internet Hima ծրագիրը կարող եք մեկնարկել նաև Ձեր համակարգչում տեղակայված ծրագրի պատկերակի վրա մկնիկի կրկնակի սեղմումով:


Ծրագրի բացվելուն պես կարող եք տեսնել կարգավիճակը` «Խնդրում ենք միացնել մոդեմը»: Մոդեմը միացրեք Ձեր համակարգչի USB մուտքին և կտեսնեք, որ ծրագրի կարգավիճակը հետևյալ հաջորդականությամբ փոխվում է` «Մեկնարկում է», «Ստուգում է PIN կոդը», «Որոնում է»: Սպասեք մինչև համակարգը ճանաչի մոդեմը և կարգավիճակը լինի «Պատրաստ է միացման»: Համակարգի կողմից սարքը չճանաչելու դեպքում, խնդրում ենք անջատել մոդեմն ու նորից միացնել այն:

2. Եթե PIN կոդի ապահովությունն ակտիվ է, կհայտնվի պատուհան, որը կխնդրի Ձեզ մուտքագրել SIM քարտի PIN կոդը:
ՆՇՈՒՄ` PIN կոդը երեք անգամ սխալ մուտքագրելու դեպքում, Ձեզանից կպահանջվի մուտքագրել PUK կոդը:
  • Առաջին միացման ժամանակ ծրագրային ապահովումն ի հայտ է գալիս նախապես սահմանված պարամետրերով (կախված APN-ից): Կարող եք փոփոխել նշված պարամետրերը` այցելելով Պարամետրեր -> Շարժական ցանցեր բաժինը:
  • Այժմ սեղմեք «Միանալ» կոճակը ինտերնետին միանալու համար:


3.Internet Hima ծրագիրը պարունակում է մի շարք առաջարկներ: Առաջին իսկ միացման ժամանակ այն ավտոմատ կերպով կգտնի Ձեր SIM քարտին համապատասխանող առաջարկը: Եթե նշված գործընթացն ավտոմատ կերպով չի իրականացվում, ապա մի պատուհան է հայտնվում, որն առաջարկում է ավտոմատ կամ մեխանիկական կերպով ընտրել համապատասխան առաջարկը: «Ավտոմատ» տարբերակն ընտրելու դեպքում, Internet Hima ծրագիրը կգտնի այն առաջարկը, որին Դուք բաժանորդագրվել եք (Ձեր SIM քարտին համապատասխան): «Մեխանիկական» տարբերակն ընտրելու դեպքում, կարող եք ընտրել առաջարկը Ձեր համակարգչի էկրանին հայտնված պատուհանից: Հետագայում կարող եք փոփոխել ընտրված առաջարկը` այցելելով Պարամետրեր -> Կոնֆիգուրացիա:

4.Եթե ծրագիրը մեկնարկելիս համակարգը հայտնաբերում է իրեն արդեն իսկ հայտնի Wi-Fi ցանց (պաշտպանված կամ ոչ, որին Դուք երբև միացած եք եղել), ապա ծրագիրը ինտերնետ կապ կհաստատի այդ ցանցի հետ: Համակարգչի էկրանին հայտնվող պատուհանը կտեղեկացնի հասանելի շարժական ցանցի լինելու մասին (եթե «Wi-Fi պարամետրեր» բաժնում ընտրված է համապատասխան տարբերակը): «Ընտրել» կոճակի միջոցով կարող եք փոփոխել ցանցը:

5.Ինտերնետին միանալու համար պարզապես սեղմեք «Միանալ» կոճակը (կամ օգտագործեք «alt+C» ստեղները): Ինտերնետին միանալու ընթացքում Ձեր համակարգչի էկրանին կտեսնեք կապի կարգավիճակի տողը: Այդ ընթացքում Դուք հնարավորություն ունեք կապը դադարեցնելու` սեղմելով «Միանալ» կոճակը (հանդես է գալիս «Անջատել» կոճակի տեսքով) կամ օգտագործելով «alt+A» ստեղները: Ինտերնետին միանալուն պես` «Միանալ» կոճակը վերածվում է «Անջատել» կոճակի: Ինտերնետից օգտվելու համար պարզապես բացեք Ձեր բրաուզերը և ընտրեք այն վեբ կայքերը, որոնք ցանկանում եք այցելել` մուտքագրելով համապատասխան հասցեները: Հիմնական պատուհանի վրա կարող եք տեսնել ինտերնետին միացած լինելու ժամանակը և փոխանցված տվյալների ծավալը: Աշխատաշրջանը դադարեցնելու համար սեղմեք «Անջատել» կոճակը կամ օգտագործեք «alt+D» ստեղները:

6.Եթե սահմանաչափերը գերազանցելու պատճառով կապն անջատվել է, Դուք կարող եք փոփոխել սահմանաչափերն այցելեով` Օգտագործում բաժինը և շարունակել օգտվել ինտերնետից: Այս մասին առավել մանրամասն տեղեկություններ կարող եք ստանալ Օգտագործում բաժնում: